Vawiin ni 6.5.2025 (Thawhlehni) hian Hmar tlangdung fanga zin MPCC President Pu Lal Thanzara chuan North East Tlangnuam, Daido, Suangpuilawn te tlawhin Congress Party hruaitute leh Kuthnathawktute a kawm bawk.
Pu Lal Thanzara chuan, “Research based veka hmala nghal tura in zuar ten engmah ruahmanna mumal an lo neih loh avangin Kuthnathawktuten sum nasa tak an hloh a, sorkarin sum tam tak a hloh bawk. Sorkar a hlawk lova, kuthnathawktute an hlawk hek lo,” a ti.
“Lal chaka tuihalin nasa takin an in zuar a, loan tha mi, a pung awm lo kan pe ang che u, sorkar guarantor-ah a tang ang tih hian thingtlanga kan unaute hnen a thleng dawn lo,” a ti bawk.
ZPM sorkarin an intiamna ‘DAH’ chu a takin an ti hlawhtling. Hmun hrang hrangah ZPM sorkar hmalakna in kuthnathawktuten Sawhthing hralhna hre lovin an lovah te, huanah te leh an kawtkaiah an ‘DAH’ nghek nghuk a, DAH hlawhtlin dan chu a lungchhiat thlak takzet a ni, a ti.
Congress chuan Pathian lam tang, mite ber te hnen thleng phak NLUP kan nei, NLUP changtlung zawk hmangin Zoram kàn tuam leh dawn a. Mipui kutah sum leng vak nasa takin a tam leh ang a. Sum vang lutuk vanga sumdawnna dik lo ruihhlo hluar leh tawlh hi a reh tawh ang, a ti bawk.
MPCC President hi Congress Headquarters hruaitute Pu K. Vanlalrawna General Secretary, MPCC, Pu Samuel Lalvawng Secretary. MPCC, Pu Lalsangbera Hnamte (Pu Siby-a) Secretary, MPCC, Pu Lalrawngbawla Secretary, MPCC, Pu Hosanna Khiangte Pol. Secretary to President, MPCC, Pi Zoremnghaki E/M MPCC, Pu Lalremruata E/M MPCC, Pu Lalramzidinga, E/M, MPCC, Pu Lalrokhuma G/S ADCC, Pu Laltawnliana President MPYCC, Pi Lalzampuii Treasurer. MPMCC, Pu Lalnunzira, Chief Organiser, MPYCC, Jerry Vanlalhlimpuia, Secretary ADCC, Pi Zahmingliani G/S MPMCC, Lalrintluangi Secy. MPMCC, Pi Lalrinthangi Jt.Secy. MPMCC, Pi Zorinpuii E/M MPMCC, Pu Laldinpuia President, Aizawl ‘W-III BCC leh Pu R Lalnunringa V Pre. Aizawl ‘E-I BCC te’n an tawiawm a ni.
