Mizoram Merchant Association (MIMA) chuan Lok Sabha MP, select Committee of the Lokh Sabha to examine income tax bill 2025 member ni bawk, Richard Vanlalhmangaiha’n National Commission for Schedule Tribe Chairman Antar Singh Arya kawmA, Mizorama sumdawng leh Tribals te India Constitution in Section 10 (26) of the Income Tax Act-ah, Income Tax awl kan ni chunga chhiah chawi tura thinna lehkha kan hmu a, harsatna kan tawk thin chu hmalakpui tura ngena thu neitu sanga a thlen chu MIMA chuan lawmawm kan ti hle a, “a hlawhtling ngei pawh kan beisei takzet a ni,” an ti..
MIMA chuan, “Nasa takin Mizoramah a bikin Sumdawng ten Income Tax chungchanga harsatna chi hrang hrang kan tawk thin leh, Documents nen kan insawifiah hnu pawh a, Nil Return la tih ngai tlat te, Bank account khawih chet theih lova action an la thin te chu kan duh loh thu NE min bialtu Principal Chief Commissioner of Income Tax, Guwahati hnenah pawh kan lo thlen tawh Copy chu, kan MP(LS) in nihna thar duhawm tak leh Mizote tana chhawr nahawm tak tur, Select Committee Member a a tel tih a hriat veleh a thawn a. Hetianga kan harsatna chungchang kan MP ngeiin hma min lakpui leh bawhzui sak zel thei tur hi MIMA chuan lawmawm kan ti hle a ni.
“Hetianga hma a lak theihna tur atana Central Sorkarin dinhmun pawimawh tak chelh tura a ruat hi lawmawm kan ti takzet a, Mizoram tana hma a lak zelna turah MIMA chuan duhsakna a hlan a, theih tawpin kan thlawp zel dawn a ni,” an ti bawk.
