Vawiin ni 16.05.2025 Zirtawpni chawhma dar 11 khan MNF chuan an office ah Mizo Hnam Run chhung inkhawm an nei a. Hun hnihna – political session-ah chuan MNF Signatory & Adviser MNF GHQ Pu Zoramthanga, Chhinga Veng sunna leh a chanchin ngaihthlak a ni a. Amah sun nan minute khat chhung ngawi rengin an ding.
Pu Zoramthanga (Signatory, Mizoram Independence Declacation) sunna hi MNF Vice President & MLA Pu Lalchhandama Ralte chuan a kaihruai a, a chanchin chhiar chhuahna neiin, “MNF leh Mizo hnamin hnam pasaltha signatory 61 zinga mi kan chan hi a pawi hle a. Tun dinhmunah signatory parukin min la dampui a, a lawmawm hle a ni,” a ti.
MNF Vice President Pu Chhantea hian MLA inthlan lo awm leh turah Zoram mipuiin MNF chu sorkarna siam turin an beisei hle tih a sawi a. Hetih rual hian party inkaihhruaina siam thar a nih angin boruak tichhe thei zawnga ke pen lo tur leh party social media pawh thiam taka hmang turin party mipuite a chah bawk a ni.
Chhung inkhawm hi Pu K. Liantlinga, Ex-MLA & Adviser MNF GHQ-in a kaihruai a. Pu C. Thanga, Organiser MNF GHQ-in hunserh a hmang bawk a ni.
