Vawiin 09th June, 2025 (Thawhṭanni) khan Mizo Students’ Union (MSU), General Headquarters hruaitute chuan Chief Minister Pu Lalduhoma chu a Pisa-ah an hmu.
MSU hruaitute chuan Chief Minister hnenah hian College zirtirtu Unqualified (NET/Ph.D neilo) College zirtirtu 29 te kum khat dang hun a pek belh leh chu ṭha an tihloh thu an thlen a. Sawkarin hun a pek belh leh te hi an qualify theih nan vawi tam tak hun pek belh leh pawhsei sak an lo ni tawh chunga qualified theilo te an nih avangin MSU chuan huaisen taka ban ngam turin CM hi an ngen a, MSU General Executive Committee meeting Dt 19 May, 2025 in a rel angin 2025-2026 Academic session \an leh hma ngei a an contract hi titawp turin CM hi an ngen a ni.
Tin, Scholarship chungchangah ZPM sawrkar hnua State Matching Share a hun taka pek zel anih ṭhin avangin Chief Minister hnenah hian MSU hruaitute chuan lawmthu an sawi a. Chutih rualin, Scholarship 2023-2024 a 4th Installment Mizoramin tun thlenga kan la dawnloh avanga Zirlaiten harsatna an tawh thu an thlen a. Theihtawpa Central Sawrkar nawrpui turin an ngen bawk a ni.
Chief Minister chuan MSU hruaitute thu thlen hrang hrang chu pawimawh atih thu a sawi a. Theihtawpa bawhzui sak a tum thu alo sawi a ni.
