Tukin zing dar 7: 00 atang khan Thuampui khawtlang, Local Council leh All NGO Coordination chuan Zemabawk a BRTF Engineer in Chief DP Singh gate pui chu tiam chin awm lovin an kalh sak.
DND Mizoram in thu a dawn danin BRTF Gate kalhsak an nih chhan hi, BRTF te lungrem chu a chhia in, vantlang tan pawh a him tawk lo a ngaih a ni a, hmanni pawh khan lungrem chimin chenna In a delh bakah mi pakhatin a thihpui nghe nghe a. Hetiang a nih avang hian khawtlang lam chuan BRTF lamte hi an lungrem tha lo lai leh hlauhawm laite thiat a, siamtha turin an ti a, mahse, chu tianga ti lova an la chhunzawm zel avangin gate hi an kalh sak ta tih an sawi.
Thudawnna chuan, “Khawtlang duh anga hna an thawh hma chu gate hi kalh a ni dawn a, tiam chin kan nei lo,” a ti bawk.
