Mizoram Pradesh Congress Committee chuan vawiin khan Congress Bhavan-ah Monday Devotion an hmang a. Political Session neih zuiah ADCC General Secretary Vanhnuaithanga chuan thu sawiin, “Kan sorkar hrawn mek hi ka sawi thiam dan ber chu zoram hian nuhrawn sorkar kan nei mek a ni.
“He sorkar hi chhungkaw tidarh chiin a kal mek tih hi ka sawi duh a. Kan sorkar hrawn mek hian ram tana Congress tena thil tha kan lo tih tawh tam takte engtin nge tihral ka tum ang tiin mi thil tha tih tawhte tihboral dan an thiam chauh niin ka hria.
“Nuhrawn sorkar ang chauhin chhungkaw thendarhna siamtu an ni a, political party ang pawha chanchin kan hriat ngailoh kan hria a ni.Tun sorkar hian dik leh tha famkim nih an tum ngar ngar a, an chetchhiatna pawh han sawi ila insawifiah tum hian an phesek mai a. Sorkar khalh ngil tura opposition tena kan sawi pawh hmalak ai chuan insawifiah tumin hma an la zel a ni. He sorkar hi mipui ten kum hnih awrhah an chhangkham deuh tan tlat ta mai a. Zoram mipui ten sorkar tur chuan puitling ber tiin keini hi min beisei mek a ni.
“Thawhrimna hi malsawmna a ni tih thupui ah hmang zui zelin leh chu chu hmachhuanin, Lalpa malsawm tlakin thawk ila kan sorkar em em ang. Hmasawn tur chuan thawhrim a ngai a ni. Congress chu dinna nghet tak neia a din tlat thin avangin mipui ten Congress nge nge an ti a ni,” a ti bawk.
