Vawiin chhun khan Congress MLA C. Ngunlianchunga chu Court of Special Judge, F. Rohlupuia, MJS, District Court, Aizawl-in a ko a. Amah hi New Secretariat District Court, Aizawlah hian inlanin ‘bail’ pek nghal a ni.
C. Ngunlianchunga hi u/s 11/B (2) r/w 13 (1) (a) (b) of P.C. Act, 1988 and u/s 409/120B/34 IPC-in an ‘charge’ a. Vawiin 17/6/2025-a Court-a koh a nih hian Congress MLA hi Court-ah inlanin, jail tan ngâi lovin ‘bail’ nghal a ni ta a nih thu a Ukil Elizabeth K. Lalrinmawii leh Lalfakawma te chuan an sawi.
Vawiina Pu C. Ngunlianchunga Court-a a inlanna hmuna awm; MPCC Legal Cell Ukil te chuan lawmawm an tih thu an sawi a, Political pressure te a awm thei a, hei vang hian Lokayukta police te pawhin man duhna an nei thei a. Heng te avang hian Court-in ‘bail’ a a chhuah chu lawmawm an tih thu an sawi.
Case Number hi Prevention of Corruption Act/3/2025 niin, State of Mizoram (Mizoram Lokayukta) vs C. Ngunlianchunga niin, Congress MLA hi R. Lalrinawma, Ex-MLA, MPCC Legal Cell bakah Congress hruaitu ṭhahnem takin an ṭawiawm a ni.
