LPS Vision Production leh Youth Icon 2024 top 10 ṭangkawpin khuarel chhiatna tuarte ṭanpuina tura June ni 7, 2025 zana Charity Concert an buatsaiha mipui sum thawh khawm te chu sem chhuah ṭan a ni.
Mipuiin khuarel chhiatna tawkte tana, sum an thawhkhawm chu Youth Icon top 10 ten vawiin khan an sem chhuak tan a, Aizawl chhunga leilung chhiatna tawk nasa, Vaivakawn Local Council hnenah tanpuina sum hi an hlan a. Hemi puala inkhawm tawi neih hi Local Council Chairman Pu Lalchawimawia’n akaihruai a, Youth Icon top 10 zing ami Lalremsiami’n tanpuina sum cheng nuai 1 leh sing 5 chu, Local Council Treasurer Pi Lalhliappuii hnenah ahlan a, Local Council Vice Chairman Pu Lalchhuankima’n lawmthu sawiin, LPS leh Youth Icon ten, khuarel chhiatna tuarte tana mipui luan chhuahna hun an buatsaih chu, ropui an tih thute, harsatna tawkte puih nana sum thawh tute inpekna chu, ropui an tih thute, azar zo tu ah an tangte chu an lawm hle thu asawi a, an sum dawnte chu an veng chhunga leikhi avanga harsatna tawkte hnenah an sem chhuah tur thu asawi.
Puan tawh thin angin May thla tawp lama ruahsur nasa avang khan Vaivakawn Zohnuai, Thlanmual bawr velah lei ache a, lei akhi nasa hle a, helai bawr vela cheng, chhungkaww 10 chuang fe chu, hmun him zawkah sawn chhuah anni a, chhungkaw 10 chu YMA Hall-ah chen lailawk tir an ni.
Khuarel chhiatna tuarte tana Charity Concert buatsaih ah khan mipui sum thawhkhawm atangin, cheng nuai 6 leh sing 6 chuang hmuh chhuah ani a, tanpuina sum te hi Youth Icon top 10 te hian, an la sem chhuak zel dawn a ni.
