Vawiin ni 20.06.2025 (Zirtawpni) chawhma dar 11 khan MNF party chuan an offline, Mizo Hnam Run chhung inkhawm an nei a. Political session huna thusawitu Dr. Renee Lalrinzuali, Treasurer, MNWF chuan, “Mizo kan nihna hi a hluin a ropui a, kan thisena Mizo kan ni. Chuvangin, Mizoram tan mawhphurhna lian tak kan nei. MNF hian Mizoram leh Zofate tan a thaber a duh thin a, kan ti ang kan tih hi kan ti ngei thin. Inremna kan ziak a, tun thlengin kan la bawhchhe lo. Engemaw avanga party danga lo peng tawhte pawh, MNF ah lo kir leh vek turin ka sawm a che u. Ex. MNA ten Zoram tana an lo beih tawhnate avangin party danga awm an inhmehlo. Hawh u, in pianna ram Mizo Hnamrun MNF ah lokir leh vek rawh u, ” a ti.
MNF founder President, Pu Laldenga(L) fanu, Dr. Renee Lalrinzuali chuan, Mizo nih leh, Mizoram mi nih leh MNF nih hi thil inhmeh tak a ni. MNF chu kan rilru a zauva, party danga peng tawhte pawh lawm takin chibai kan lo buk ang che u. Mizo Hnamrun hi MNF run kan tilova, Mizo Hnamrun kan ti a, Mizo tawh phawt chu kan leng vek a ni. Kan ram leh hnam tan thawhtur tamtak a awm a, i thawkho leh teh ang u, a ti.
Dr. Renee Lalrinzuali, MNF GS nibawk chuan, kan hnam thuthlung lo duang chhuak tute kha mi teber berte ni mah se, an hlu a, i hrereng ang u. Hnam thuthlung kan theihnghilh thin a, Mizo kan nihna kan theihnghilh fo thin bawk. Tuna kan sorkar hi nuhrawn/pahrawn hrawn ang mai kan ni a, siamthat ngai a tam hle. MNF hnuaiah ramin hma a sawn thin a, hnamah kan chiang bawk thin. Tun hi thawk kan lakna leh kan intuaitharna hun a ni, a ti bawk.
