Election Commission of India in a buatsaih Booth Level Officers (BLO) te leh Supervisor-te tana intuaitharna programme Batch 13-na (sawm pathumna) chu India International Institute of Democracy and Election Management, New Delhi-ah vawiin khan tan a ni. Pu Gyanesh Kumar Chief Election Commissioner chuan a hawnna thu sawiin, tun tum training-ah hian Uttar Pradesh atangin mi 111, Madhya Pradesh atangin mi 128, Nagaland atangin mi 67, Meghalaya atangin mi 66 leh Chandigarh atangin mi 7 telin, heti hian thia thum liam ta chhung khan India ram puma BLO/BLO Supervisor mi 5000 chuang hnenah training pek a ni tawh.
Pu Gyanesh Kumar, CEC chuan electoral roll felfai taka peih a nih theih nan leh inthlante chu thianghlim taka Representation of People Act, 1950/1951, Registration of Electors Rules, 1960 leh Conduct of Election Rules, 1961 dan hnuaia neih anih theih nan he intuaitharna programme hi buatsaih a nih thu a sawiin, mipui thlan rorelna (democracy) ah chuan dan te chu lang tlang tak a nih tur thu leh India ramah dan anga inthlan buatsaih thin a ni a ti.
CEC chuan intuaitharna programme-a tel te chuan section 24(a) leh 24(b) of RP Act 1950 hnuaia electoral roll chungchanga first leh second appeal chungchangte an hriat bel phah ang tiin, BLO/BLO Supervisor te chu dan hnuaia electors te hamthatna hrang hrang zirtir kawngah hma la turin a fuih bawk.
Kumin 6-10 January, 2025-a Meghalaya, Nagaland, Madhya Pradesh, Chandigarh leh Uttar Pradesh-a neih zawh tak Special Summary Revision-ah khan appeal a awm lo a ni.
He intuaitharna programme-a tel te hian voter registration, form handling leh fieldlevel implementation chungchanga an hriat sa bak thiam belh tura beisei a ni. He training-a tel te hian IT hmanga hnathawh an zir dawn bakah, EVMs/VVPATs leh mock polls chungchangte zirtir an ni bawk ang.
