Mizoram Excise & Narcotics Department chuan International Day against Drugs Abuse & Illicit Trafficking chu vawiin ni 26th June, 2025 khan India ram leh khawvel ram hrang hranga hman a nih angin an hmang.
Aizawl –ah chuan ruihhlo an man, Court-in dan anga tih ral a phalsak chinte chu Muallungthu-a F. Rinchungnunga farm-ah an halral a. T. Lalhlimpuia, MLA, Lunglei West chuan Khuallian niin he hun hi a hmanpui a. He Ruihhlo halral programme hi Z. Lalhmangaiha, Commissioner of Excise & Narcotics chuan a kaihruai a. Report kimchang leh Ruihhlo halral zat te Ngurthanzama Sailo, Deputy Commissioner of Excise & Narcotics (Enf.) in a pe a. Khuallian T. Lalhlimpuia, MLA chuan ruihhlo dona thuchah a sawi a. R. Laldinsanga, Joint Commissioner of Excise & Narcotics (Admn.) chuan lawmthu sawina hun a hmang bawk. Hemi hnu hian Ruihhlo man sa, court –in tih ral a phalsak tawhte chu Khuallian hian mei dep kai hmasa in halral a ni. He Ruihhlo Hmansual leh Tawlhruk Dona Ni hi NCB official te pawhin an telpui bawk a ni.
International Day against Drugs Abuse & Illicit Trafficking denchhena Aizawl-a ruihhlo halral zat chu hetiang hi a ni e:
District hrang hranga case, tihchhiat tura lakkhawm zat chu hetiang hi a ni:-
1). ANS – 104 cases,
2). Lunglei – 58 cases,
3). Siaha – 16 cases,
4). Champhai – 13 cases,
5). Kolasib – 2 cases,
6). Lawngtlai – 9 cases,
7). Mamit – 23 cases.
Total – 225 cases.
Tin, Hemi ni denchhen hian District hrang hrangah Asst. Commissioner of
Excise & Narcotics kaihhruainain Ruihlo Hmansual leh Tawlhruk Dona Ni hi urhsun takin hman a ni a. Sikul, NGO leh hmun remchang dangahte drugs awareness campaign te neiin, hun tha takin an hmang a ni.
