Mizoram University hnuaia Under Graduate exam result vawiina tihchhuah ah zirlai exam zinga za zela 75.75 % an pass.
Undergraduate Exam ah hian Zirlai 4461 in Exam an hmachhawn a, zirlai 3515 an hlawhtling a, Result tihchhuah takah hian Bachelor of Arts ah zirlai exam 3759 zingah 2946 an pass a, Science ah zirlai exam 431 zinga 320 ten hlawhtlinna an chang a, Commerce ah Exam 260 zinga 241 pass in Home Science ah zirlai exam 11 zinga 8 te an pass bawk a ni.
Bachelor of Arts ah hian Lalremsiama, Pachhunga University College-a Political Science Department ami chu a pumpuiah pakhatna a ni a, B. Sc ah Yerrabelli Dedeepya Reddy, Pachhunga University College-a Biotechnology Department ami chu pakhatna niin Commerce ah R. Lalngaihawmi, HATIM ami chu pakhatna a ni a, Home Science ah Zirtiri Residential College ami Mary Lalawmpuii pakhatna a ni.
