Sairang, Sairang Sihhmui leh Sairang Dinthar VC te leh heng VC area thuma khawtlanga tlawrnngai pawl hrang hrangte chuan thuchhuah siamin, “Development avanga kan tui tlan hnar chhia leh kan lui leh thing hring hrim hrim chereu avanga kan tawrhna hrang hrang, kan tu leh fa, kan tuchhuan lo awm zel tur thleng kan tawrh zel turte ngun taka kan ngaihtuahin, a lmuaia point No.2 vang hian NH 306 new alignment hi kan duh lova. Alignment hmasa/pangngaiah, chupawh lei lung, thing leh mau, lui lian leh lui te dimdawi taka laih ni se kan duh a ni,” tiin a hnuai a mi ang hian an duh dan an tarlang.
1. NABARD loan puka Khamrang to Selesih laihin hun rei tak kan tui tlan hnar a chhilh a, tui kan harsat phah a. Sairang pa ho enge maw zat a hmunah kalin, LPS Special report-ah pawh he kawng laihin kan tui tlan a tih chhiat avanga kan lungawi loh thu kan au chhuak tawh a. NABARD kawng laih vungin kan tui lakna lui a chhilh a, tui kan hmuh chhun pawh a nut vek avangin, tui thianghlim lo kan ei in a ngai a. Hemi avang hian Sairang khaw mipuite hian taksa lam harsatna, zun kawng tha lo te pawh kan neih phah na sa niin kan hria.
2. Rel kawng laihin kan thing leh mau tam tak a ti chereua, a hmuna cheng nungcha chi hrang hrang a ti chimit bawk a. Pi leh pu atanga kan ei bar hmuhna, kan ramhmul hausakna chhiarsenloh a ti boral vek hawk a. Kan luite te an khawro zo va, tuihna tam tak a ti chhe zo tawh a. Rel kawng chung lama 4-Lane a kal leh chuan Sairang leh a chhehvela chengte chu thlaler ramro vai vut hmunah, tui thianghlim tlan tur nei lovin kana wm dawn a ni. Chuvangin, New Alignment hi engti zawng mahin kan duh tl a ni.
