Vawiin khan BJP Mizoram State Office Upper Republic Mipui Run ah, BJP Mizoram State President thar puanna hun neiin, he hun hi Delson Notlia MDC, BJP National Minority Morcha Secretary, Returning Officer ni bawkin a kaihruai a, Vanathi Srinivasan, BJP National Mahila Morcha, President, National Returning Officer ni bawkin BJP Mizoram State President thar puanna a nei a, Vanlalhmuaka, State President kal chhuak ta leh Dr K Beichhua, MLA & State President thar te’n thusawina hun an nei a ni.
Vanlalhmuaka chuan thusawiin, “Vawiinah BJP Mizoram chuan State President thar tha tak mai kan han nei ta hi a lawmawm êm êm mai a, BJP chuan kalphung dang tak kan nei a, mi thenkhat te’n Aizawl khawpui mi chauh President atana an lo rin ?hin chu vawiin ah hian a nilo tih a chiang a, kan Prime Minister pawh khawpui mi nilovin, rethei tak a?anga PM ni thei a ni,” a ti.
Vanlalhmuaka chuan, “Dr K Beichhua, MLA BJP State President thar tur hi Mizoram ah Development a thlen theih nan theih tawp chhuahin kan thawhpui tur a ni a, kan Party chakna hian Mizoram Development a ken tel dawn avangin, BJP Member-te chuan lungrual taka kan thlawp a ngai a ni. BJP chuan tute mah chi leh hnam anga inthliar hranna a nei ngai lova, Sakhuana ang zawng pawhin inthliarna a nei ngai lo a ni. Congress Party ah chuan hnam hnuaihnung zawk anga lang te tan hmun ?ha a awm ngai lova, vawiinah chuan Congress Party chu an hniam tawh hle a ni. Vawiina India ram President pawh hnam hnuaihnung a ni tih kan hriat hi. BJP thil tum chu retheihna um bova, mi dang tana hnathawha, Development thlen tir hi a ni. Chuvangin Dr. K. Beichhua, MLA State President thar hi thlawp tlat turin ka sawm che u a ni,” a ti bawk.
