Mizoram Merchant Association (MIMA) chuan, “Kan hma lawkah hian rel chuan Mizoram a rawn lut tan dawn ta reng mai a. Rel rawn lut tur hian thatna tam tak neiin, eng emaw kawng zawng chuan kan hnam tan that lohna pawh a rawn keng tel ngei dawnin MIMA chuan a hria a ni. Chuvangin, MIMA chuan kan ram leh hnam kan la him hram hram theihna anih beiseiin Home Minister hnenah rawtna leh ngenna a thlen ni,” an ti.
Vawiiina thuchhuah an siamah MIMA chuan, “Mizoram chu Special area kan nih angin Rel lo lut mai turah hian ILP hi felfai leh uluk leh khauh taka kalpui ngei ni se. Tin, tun hmaa ILP kan lo kalpui dan ang mai maia ILP hi kalpui anih chuan hnam inchim ralna kan hlat dawn lo hlein Mizoram Merchant Association (MIMA) chuan a hria a, eizawnna kawnga chimral kan nih lohna turin ruahmanna fel fai tak siam turin Home Minister hnenah ngenna a thlen a ni.
“Tun hmaa ILP enforce danah hian tha viauin lang mahse, thenkhatah duh khawp lohna a awm thin a. Entirna pakhat han pe ila, Vishal Mega Mart neitupa Mr. Rajesh Mishra trade License neihdante hi, Mizo ni loten trade License an dil dawn chuan 2yrs. Validity ILP an neih a ngai a. MIMA GS in RTI a zawhna chhannaah chuan ni 28. 2.2017 ah 2yrs. Validity ILP hi Rajesh Mihra hian a dila, chutih laiin a dil hma ni 7, ni 21.2.2017 ah trade License alo hmu daih tawh a ni. Hei mai bakah hian tun hnai mai, ni 31.1.2025 khan Lengpui Airport a ILP pek dan fel lo tak hmuh chhuah leh a ni a. Ranijani, Meerut, UP a mi chuan Lengpui Airport ah Temporary ILP a dila, chu ILP an pekah chuan a phone number ziah turah a blank-in pek a ni a, purpose of visit ah Puan than zuar tih a ni bawk a. Puanthan hi a rawn zuar dawn em ni tih tur a ni. Hetiang anih avang hian Rail meuh alo lut dawn a nia, uluk leh khauh taka ILP Enforce dan kawng ngaihtuah hram hram turin Home Minister hi an ngen a ni,” an ti bawk.
MIMA hotute chuan hetiang hian rawtna an thlen nghal bawk a ni.
1. Rail lo luhna tantir Bairabi Rail Sation a, tuna ILP Checkgate hi tih changtluna, fimkhur leh uluk taka ILP hi pek chhuaha, ILP neisa thlenga uluk taka check mai bakah, computerise vek ni se.
2. Bairabi leh Sairang Rail Station nen a inkar Roadside station leh Halt station, Sairang Station thlenga chhuk leh lo chuang lutte, uluk leh fimkhur taka ILP hi tih nise.
3. Sairang Rail Station pawh Passenger-te kal darh nghal mai theih loha hung bawk nise tiin MIMA hruaitute chuan an ngen nghal a ni.
MIMA hruaitute hian Rail lo lut tura Mizo hnam him theih nana, Sihhmui VC leh all NGO te nena hma lak hona tur Resolution an lo neih tawh dante an thlen bawk.
Boruak tha tak hnuai inkawmin, ILP Enforce dan tur leh Sorkar in ruahmanna alo neihte Home Minister hian sawiin, Home Minister, pu K Sapdangan MIMA hruaitute alo dawr danah MIMA hruaitute an lawm hlein Sorkar-ah beiseina sang tak an nei bawk.
