ZPM Thalai chuan, “Finance Department RTI chhanna atangin Kum 2008 atanga kum 2023 thlengin MPCC leh MNF in NLUP leh SEDP ah vbc.4090.66 (NLUP vbc.2896.91 + SEDP vbc.1193.75) an lo hmang ral tawh a, heng sum te hi, Mizoram Budget – ah chuan Kut hnathawk tute pual liau liau a dah a nih laiin, MPCC leh MNF te hian party member in lei chhawn sak nan leh an party worker te dawmkan-na atan an hmang ber a ni tih hi Mizoram mipui te hmuh leh hriat dan a ni,” tiin thuchhuah a siam.
Thuchhuahah chuan, “Pu Lalduhoma kaihhruai ZPM Sawrkar chuan kum 2025-2026 Budget Estimate ah Hand Holding Policy atan cheng vbc.350 dah niin, ZPM Sawrkar chuan a intiam ang ngeiin, party bil sawi lovin, a thar chhuak apiang hnenah Sawhthing, hmarcha, aieng, hmunphiah leh buh hralh kawngah hma a la nghal a, buaipui ngai ber Sawhthing market bikah Support Price atan vawiin ni thlengin vbc.96.4 a hmang tawh a, Secondary Collection Centre tin ten Invoice an upload kim hunah chuan Sawhthing bik atangin Mizoram lo neitu tak takte kutah vbc.120 bawr vel a lut tura ngaih (estimate) a ni.Tun dinhmunah India ram hmun hrang hranga Mandi wholesale rate ah Sawhthing hi Rs. 8 – 16/Kg te a nih mek laiin, ZPM Sawrkar Policy avanga Mizoram lo neitu dik tak ten Rs.50/kg a sawhthing an hralh thei hi ZPM Thalai chuan sawi hnawm chi ah kan ngai lova, thinlung taka khawtin a, Society hruaitu hrang hrang in Hand Holding Policy avanga , lawmthu sawina thuchhuah ansiam te hi ,Sawrkar Policy hlawhtlinna ah ZPM Thalai chuan kan ngai a ni.
“MNF leh Congress ten kum 36 chhung an flagship Programme hmang a kut hnathawk tute Pawisa sem Policy hmang –a an lilam kual hnu in , Kut hnathawktu hmangaihna tak tak thinlung putu Chief Minister Pu Lalduhoma leh ZPM Sorkar Policy avanga Kut hnathawk tute tan a kawl a eng ve tawh tur hi ZPM Thalai chuan kan lawmpui takzet a, Kut hnathawkte hlim hmel hmuh hi Opposition party-te hian zir ve in, kuthnathawktute tana ZPM Sorkar Policy ai a tha zawk duan chhuak tur in ZPM Thalai ten Opposition Party -te kan ngen bawk a ni,” an ti bawk.
