ZPM Thalai chuan thuchhuah siamin, “Member Of Parliament Lok Sabha Richard Vanlalhmangaiha hmalakna hi ZPM Thalai ten kan chhuang hle,” an ti.
Thuchhuahah chuan “16th June 2025 khan Mizoram Lok Sabha MP Pu Richard Vanlalhmangaiha chuan Union Ministry of Tribal Affairs Secretary Pu Vibhu Nayar chu kawm in, Mizoram a zirlaiten Scholarship chung changah harsatna an neihte a sawipui a, Central Ministry lamin Pawisa an tum tur awm ang ang te a rang lama pe chhuak tura a ngenna an ngaihpawimawh sak avangin Dt. 7th July 2025 khan Ministry of Tribal Affairs-in Rs. 504281000 /- sanctioned order an chhuah a, Mizoram zirlaite tana Mizoram Lok Sabha MP Pu Richard Vanlalhmangaiha hmalakna hi ZPM |halai chuan a chhuang hle a ni.
“Tun dinhmunah Central lamin Scholarship sum an rawn sanctioned hi Financial system thar hmang tawh tur a an rawn tih avangin, Central Matching Share leh Mizoram State Matching Share te luh khawmna tur bik RBI Account siam thar a ngaih avangin RBI Regiona Office, Guwahati leh RBI Headquarter, Mumbai lama document tih fel ngai te tifel turin Mizoram Scholarship Board in hma an la nghal a, Sholarship dawng tur ten a rang thei ang bera an dawn theih nan Mizoram Sawrkar leh Mizoram Scholarship Board in theih tawp an chhuak mek a ni tih ZPM |halai Headquarter’s chuan Zoram mipui te hriatah kan puangzar duh a ni,” an ti bawk.
