Tuirial Block Youth Congress Committee te chuan ni vawiin 10.7.2025 (Ningani) khan Durtlang leh Kawnpui inkar kawng siam tawh chu a hmunah kalin an endik a, thla kal ta lawka lirthei veivak harsatna thlen phah khawpa kawng siam avanga an dan fo laia tuna kawng chhe leh em em chu pawi an tih thu an sawi.
Tuirial Block Youth Congress Committee chuan, “He lai kawng Sairang-a inkulh mek BRN Construction Farm te Contract niin, ZPM sorkarin kawng siam\ha thei tura a thlanchhuah an ni a. He lai kawng siam a nih tan tirh atangin damlo phur leh chhiat tawk lirthei, zirlai, hnathawk mi hrang hrang tana harsatna tam tak siam phah khawpin lirthei veivek rei tak tak dan (Road Block) siam fo an ni a. Hetiang a nih laia mipui harsatna thlen phah khawpa kawng dan fo a nih hnua rei lo te a kawng siam zawh hrehawm khawpa a awm leh hi Tuirial Block Congress Thalai chuan pawi a tiin he hna petu ZPM sorkar leh hnathawktuten a ranglama enfiah a, a tul anga siam\hat hna thawk nghal turin kan phut a ni.
Sorkar ‘Kalphung Thar’ tia inzuar ten an sorkar laia kawng an siam Fur khat pawh a daih lo hi Tuirial Block Congress Thalai chuan pawi a tiin PWD Minister Pu Vanlalhlana chu a mawhhurhna hrechiang tur leh a department chan mutthlak san lova, mipui ‘Harsatna sukiang si lova chawp leh chilha ZPM office vela in sawi hlim chawp mai mai lova Mizoram kaihruai tur leh an intiam leh an inzawrhna anga awma hnathawk turin kan phut a ni.
“Helai kawng hi tlâng kawng tih thin niin motor veivak leh lirtheia eizawngte kawng pawimawh tak a ni a, a rang thei ang bera siam \ha leh vat turin Tuirial Block-II Congress Thalai chuan Mizoram sorkar kan phut a, kawng siam that hna a rang lama thawka kawng tha tak siam a nih theih nan theihtawpin hma kan la zui dawn tih ZPM sorkar kan hriattir a ni,” an ti bawk.
