Ramri buaina hmunah inbiakna neih a ni

Vairengte chhuahlam Mautui a Assam Police ten Camp sak an tum chungchangah Vairengte Civil SDO Nengthianlala hovin Assam lam thuneitu te nen Mautui zau ah inbiakna neih a ni.
Hemi chungchangah hian Inrinni chhun khan Vaireng Civil SDO Nengthianlala, Sub Divisional Police Officer SDPO Lunghnema bakah Vairengte OC leh khawtlanghruaitu te chu Assam lam hotu te nen boruak thatak hnuaiah inbiah na hun an nei a, Assam Police te hian an awm mekna chu school building a nih avangin an chhuahsan a ngaihthu lo hrilhin, tuna an awmna bul maul remchang laiah insa mai tura hrilh an ni a, inbiakna neih ah hian Assam police ten Pi Thangseii huana duty post kawng laih an tum chu a rem loh thu Mizoram lam aiawh te hian hrilhin hma annla zui lo a ni.
Karhmasa Ningani khan Mautui hmuna Assam police te hian chetlak an tum avangin boruak a awm deuh hman a, amaherawh chu Mizoram police lamin helai hmuna Assam Police duty na hnaih Pi Thangseii vairengte huana an duty post panna kawng laih an tum chu hma la chhunzawm lo turin an lo hrilh tawh a ni.