BJP Mizoram State President Dr. K. Beichhua, MLA chuan nimin 29th July 2025 (Thawhlehni) tlai khan Union Minister for Road Transport and Highways Nitin Gadkari chu a chenna inah lenchilhin, Mizoramin inkalpawhna kawngpui pawimawh tak a harsatna kan tawh mekte a thlen a, Mizoram chakkhai lakna pawimawh tak kawngpui chhiat avanga harsatnate chu lo enzuisak a, a ṭul anga chak zawk a hmalaksak turin a ngen nghal bawk a ni.
Dr. K. Beichhua, BJP Mizoram State President chuan Union Minister Nitin Gadkari hnenah Tripura aṭanga, Mizoram khawthlang lam, Mamit District aṭanga Lunglei District leh Lawngtlai District paltlanga, Zochachhuah thlengin National Highway kal tir rawtna a siam chu tihhlawhtlinsak tura a ngenna ziakin a thehlut nghal bawk a, Nitin Gadkari chuan a lo zirchian sak tur thu a lo hrilh bawk a ni.
Dr. K. Beichhua chuan vawiin 30th July, 2025 hian Union Health Minister leh BJP National President ni bawk JP Nadda chu hmuh leh a tum bawk a ni.
