Vawiin khan Lirtheia eizawng pawl hrang hrang pawl 24 lai awmkhawmna chuan Mizoram Truck Drivers Association office Hunthar vengah chanchinthar lakhawmtute kawmin, Mizoram hmun hrang hrangah kawng chhia vanga harsatna an tawk chu pawi an tih thu an lo sawi a, August ni 4-9, 2025 chhung hian ‘Tlan Chawlh’ an puang dawn tih an sawi. Hei hi Sairang-Vairengte (NH 306/06) kawng siam mek chak zawka hnathawh a nih theihna tur a ni a. Hei hian bungraw phur chi lirtheite chauh a huam ang.
Huntiam chhunga tlan nuam taka kawng sawrkarin a siam thei lo a nih chuan na zawka hmalak an tum tih an puang nghal a. An hmalakna chu lungawi loh lantirna lam a nih loh thu leh tha zawka sawrkarin kawng a siam theih nana sawrkar an puihna tur a nih thu an sawi bawk.
