Vawiin chawhnu dar 2:00 khan Pu K. Sapdanga, Home Minister Office-ah Mizoram-a Drug hluar zel venna atana beihpui thlak dan tur rel a ni a, he hunah hian Pu Lalnginglova Hmar, Excise Minister; Home Department hotute, Excise Department hotute leh Central YMA hruaitute an tel.
He hun hi Pu K. Sapdanga, Home Minister chuan a kaihruai a, Mizoram-ah Drug do beihpui thlak an rel a, September thla atanga December thla chhungin State pawn atanga Drug rawn lut thin te dan chah beihpui thlak turin an rel a, kan ram leh hnam a lo him nan mipuite he beihpui thlak tawiawm tur hian an sawm a ni.
