Mizoram chak lakna kawngpui pawimawh, Kawnpui leh Sairang inkar siam hna thawh a nih avanga Lirthei lian din tir rih te chu zanin dar 6 atang hian chhuah tan an ni nia thudawn a ni.
Thudawn danin, Kawng siam hna thawktu NHIDCL lamin Kawnpui leh Sairang inkarah hian Lirthei chu One-way a tlan tir an inhuam tawh avangin zanin dar 6 atang khan Aizawl lam pan tur Lirthei lian din tir mek te chu kal tir tan a ni a; Nitin mamawh phur bakah, Ke 6 nei leh ke 10 nei chhuah hmasak tir an ni.
Tarlan tawh angin Kawng siam hna chak zawka thawh a nih theih nan hian tunkar Thawhtanni atang khan Commercial Vehicle te chuan chawlh puangin Kawnpui leh Sairang inkarah hian Lirthei lian kal tir phal a ni lova, hei vang hian Police checkgate hrang hrang Vairengte, Bairabi, Phaisen leh Phainuam bakah Rengtetlang leh Kawnpui-ah te din tir an ni a; Aizawl lam pan tur lirthei lian din tir te hi hriattheih chinah 356 an tling a, nizan khan Sairang atanga Kawnpui lam pan Lirthei lian rit phur nilo 240 chu kal tir anlo ni tawh bawk.
Aizawl lam pan tur lirthei lian zingah hian ke 6 leh ke 10 nei chin chhuah zawh hnuah ke 12 nei chin pawh chhuah tel tum a ni.
