Aizawl May 17, 2022 : Mizoram Board of School Education chuan vawiin khan Pawl 10 result a ti chhuak a, zirlai exam 17,417 zingah 12,304 an pass a, St Joseph Higher Secondary School zirlai Dinsawmkimi leh St Paul’s Higher Secondary School Zirlai Lalramdina Ralte te chu pakhatna veve an ni a, pahihna leh pathumna chu St Paul’s zirlai veve R Lalremngheti leh MD Aatif Nazir te an ni.
Kumin HSLC exam ah hian candidate 18357 awmin , heng zinga 17417 te hian exam an hmachhawna. Zirlai exam zingah hian hmeichhia tam zawkin 9191 an ni a, mipa 8226 an ni thung. Zirlai exam zingah 12,304 te chu hlawhtlingin , Distiction ah 1437 an pass a, First Division ah 3716, second division ah 4309 leh third divisionah 2842 an pass a, zirlai 185 compartment niin zirlai 4928 an fail a , pass parcentage hi zaa 70.64 a ni.
Kumin hian top 10 ah zirlai 17 an awma , top 10 a tling zirlai 8 chu St Pauls Zirlai niin , St Joseph zirlai 4, Mount Carmel zirlai 3 leh Hermon school leh Holy cross school atangin zirlai 1 veve an awm a. Kumin hian zirlai pass vek na school 98 awmin , zirlai fail vek na school 15 a awm bawk a ni.
Kumin ah Mizoram Board of School Education hnuaia Pawl 10 result chhuak ah nikum aia pass percentage tlak hniam chhan chu kum 2 chhung Hripui avanga class kaltheihloh vang a ni a, chutih rualin Exam felfai taka neih a nih thu MBSE hotuten an sawi.
MBSE Chairman JH Zoremthanga chuan kumin ah Exam felfai taka neih anih thu sawiin exam beitute ah pawh thil fello leh hnawhchhuah ngaikhawp an awm lo ati a, Exam buapuitute pawhin discipline tha takin an vawng tih a sawi bawk. Pu JH Zoremthanga chuan nikum hmasa lamah covid a leng nasa a, kumin ah fihlim deuh a in ngaih laiin kumin pawl 10 Exam beitute ziangah covid -19 vei mi 104 lai an awma heng mite hi exam zo hmanlo an ni a antan special exam butsaih ani dawn tih MBSE Chairman chuan sawiin anni rual hian compartment exam butsaih a ni dawn bawk a, kumin ah chuan kumdang ang loin Exam result chhuah atanga comlpain theih hun chhung ni 15 nithin chu ni 7 chhung hawn a ni dawn tih JH Zoremthanga chuan sawiin hehi naupang te hmakhaw ngaiin an ti tih a sawi.
MBSE Chairman chuan nikum ah pass percentage kumin aiin a sang a nikum ah 82 % a nih laiin kumin ah chuan 70.64 % a ni a, heihi a chhan bulber nia an hriat chu kum 2 chhung Covid – 19 avangin class an kallo a online a kal a ni a, thingtlang hmun kilkhawr zawk ah phei chuan duh angin Internet signal athalo a hei hian pass percentage a tlak hniam phah bawk a ni ati. JH Zoremthanga chuan Covid – 19 avangin zirlai ten an zirtur course 30 percent in an tihhniam a, hei bakah hian zawhna harsa chi (Hard Question) leh zawhna dang neuh neuh te anti hniam a ni ati a. Kumin ah chuan zirna tha zawka kalpui tum a nih avangin syllabus tih hniam a ni dawn tawhlo a, chu bakah zawhna pawh a hmalama kalpui thin angin zawhna harsa leh thildang pawh kalpui tum a ni tawh tih sawiin, covid lo nasa deuh poh nise a pangngai angin zirna tha zawk kalpui tum avangin an kaldawn a ni ati. Kumin pawl 10 result chu India ram dang te ngaihtuah chuan hetianga result mumal taka siamchhuk hmasa ber pawl an nih thu MBSE Chiarman chuan a sawi bawk a ni.
