Vawiin atangin Thlawhna service beisei

Aizawl 18 May, 2022 : Lengpui Airport tumkawng (runway) chu thlawhtheihna tum nan a that tawkloh avangin Airport Authority of India in a hriattir angin May ni 17 khan khar a ni a, thlawhtheihna chhuak tur leh tum tur zawng zawng tih tawp lailawk a ni.
Thlawhtheihna tum na hi a thawmthat hna Thawhlehni nileng leh zan ah thawh nghal a ni a, Airport Authority of India leh PWD engineer te chuan vawiin chawhnu dar 2 khan enfiahna investigation an nei a, thlawhtheihna tum na atan a that tawk chuan a ngaiin naktuk lamah chuan thlawhna chu dan pangngaia a tum leh theih beisei a ni.
Civil Aviation Principal Secretary J Lalhmingliana chuan thlawhna runway chu thatloh avanga Airport an khar chu zin veivak te tan a him zawk nana precautionary closure a nih thu a saw. Thlawhtheihna tumkawng( surface) hi pawr deuh lai a awm avangin leh a chhiat deuh avangin thawm that hna hi kalpui a ni. Chhang dang leh ruahsur in a kawng hi a hawrh chhiat avangin thlawhtheihna tumna atana him loa ngaih a ni a, investigation tih anih hnu ah khar rih a ni.