Pu VL Zaithanzama, Aizawl West III bialtu MLA chuan a bial chhung zirna in hrang hrang tlawhchhuah programme kalpui zelin vawiin khan, Govt. Primary School Khatla South, Govt.Primary School Mission Vengthlang leh Govt.High School, Maubawk venga zirna in te a tlawh. Aizawl West III bialtu MLA chuan, “Mizorama sawrkar hnathawk a te ber atanga a lian ber thlenga chherchhuaktu chu zirtirtute an ni a, an kutah Mizoram hma hun hi a innghat tlat a ni. An tha kan tihchak a ngai a, an hmunhma leh mamawh engkim kan ngaihtuah a, kan ngaihsak an ngai. Chuvangin, Mizoram zirna siam ṭha turin Education-ah budget tam zawk kan dah a ngai a ni,” a ti. Heng zirna in a tlawhnaah te hian zirtirtute nen inkawmhona hun hmangin an mamawhte an lo thlen a, zirna in (building) leh hmunhma hrang hrangte enpuiin an mamawh leh ṭul dan ang zela hmalakpui a tum thu a sawi. Aizawl West III MLA Pu VL Zaithanzama hi ZPM LC member leh hruaituten an tawiawm a ni.
