Association for Environmental Preservation (ASEP) General Headquarters, Aizawl chuan nungcha humhalhna kawngah hmasawnna tha zawk a awm theih nan nimin vawiin khan Ailawng, Reiek, West Lungdar leh Chungtlang khuaahte Mobile Street Campaign leh nungcha humhalhna kawnga ngenna lehkha (Appeal letters) semchhuahna hun an hmang a. ASEP hotute leh member eng emaw zat an thawkchhuak a ni.
Campaign hi team hnihah inthenin President K, Lalmuansanga leh a team ten Reiek leh
Ailawngah hun an hmang a, team dang Vice President Hmingthansanga leh a team ten
West Lungdar leh Chungtlang an tuam thung a ni.
Ailawng, Reiek, West Lungdar leh Chungtlang khuate hi ramngaw inzawm thla vek an ni a,
heng lai hmunah hian State Animal Saza te, Hauhuk te, Ramsial te, Sazuk te, Savawm te,
Sihal te, Awrrangte leh nungcha chi hrang hrang hmuh tur a la awm a. Humhalh tlak ram a
nih avangin he campaign hi ASEP chuan a buatsaih a ni.
He campaign-ah hian khawlai remchang laiah nungcha humhalhna tlangaupuina hun hman a ni a, khaw li ah hian chhungkaw tinah ramngaw leh nungcha humhalhna tura ngenna lehkha chhungkaw tinah semchhuah a ni bawk a ni.