BJP-in Ex-servicemen Cell din

BJP Mizoram Pradesh chuan BJP State Office Upper Republic ah nimin khan karthar inhlanna leh mithar lawmluhna hun an hmang.
BJP President Vanlalhmuaka chuan, “Ex-servicemen Cell vawiin ah BJP Mizoram in kan nei thei tur hi a lawmawm hle a, Central-a Kan hotu te khuan Sipai Pension tawh te pawh Sipai tanglai ang tho vin an ngai pawimawh êm êm a, chutiang taka an ngaih pawimawh Ex-servicemen Cell kan din thei ta hi a lawmawm hle a, Mizoram ah pawh Ex-servicemen kan awm ve ta nual a, vawiin ah hian chung kan thiante pawh chu min zawm ve turin sawm ila, Mizoram hmun hrang hranga Ex-servicemen awm te pawh mahni awmna hmun leh khua atang theuh a BJP min zawm turin ka ngen che u a ni,” a ti.
Vanlalhmuaka chuan, “BJP chuan kan Manifesto hi a taka tihhlawhtlin hi kan tum ber a ni a, Mi tinin an chanvo an chang tur a ni tih hi BJP chuan kan thupui lian ber a ni a, chuvang chuan Mizoram ah pawh mitin hian kan chanvo kan chang em? tih hi in zawt ila, Mizorama Sorkarna chelh tawh te leh chelh mek te hian Mipui chanvo leh an chanai hi an pe ngai em? tih hi zawhna lian tak a ni. Keini BJP erawh chuan mipui hma a kan intiamna, Manifesto kan neih te chu kan tlak phah na tur ang hial pawh ni se kan kaltlangpui \hin a, chutiang taka mipui hma a kan thutiam tawh chu tih hlawhtlin ngei duh thin Party kan ni. Mizorama Sorkarna chelhtu te erawh chuan Mipui hma a an thutiam tih hlawhtlin hi an nei lo a ni,” a ti bawk.