Aizawl June 9 : Larsap Dr Hari Babu Khambhampati chuan vawiin khan Vairengte khawchhehvel leh Counter Insurgency Jungle Welafre CIJW School a tlawh.
Larsap hi Nilaini zan khan CIJW School ah riakin, nimin khan CIJW School information & research centreah Major General Mr Rajiv Thapar, Commandent CIJW School in CIJW School kalphung leh an hmalakna hrang hrang te a hrilhfiah hnuin, training an kalpui dan te a takin Firing range No 1-ah Larsap pualin an entir bawk a ni.
Hemi hnu hian Vairengte Kawngthar venga CRPF duty na hmun tlawhin, he hunah hian CRPF DIG Shri. Shahnawaz Khan chuan Larsap chu CRPF duty te dinhmun lo hrilhfiahin, Home Commissioner H. Lalengmawia chuan CRPF te chu nutral force an nih angin state pahnih te inkarah tan lam nei lova inrawlh tawh lo turin CRPF hotu te chu a hrilh a ni. “Larsap hian PMUY leh PMAY (U) beneficiary vairengte 1 leh vairengte 2 village council chhunga chhungkaw hnih ve ve te a tlawh a, tun thlenga Insakna second installment an la dawn loh pawh Larsap hian an dawn thuai tur thu hrilhin, beneficiary te hian an lawmthu Larsap hnehah hian anlo thlen a ni.
Vairengte a hun a hman zawh hian Larsap hian chawhnu lamah Serlui B Hydel project a tlawh nghal bawka ni.
