Hun harsa a ram hruai tlaka Pathian in MNF Party a ruat lawmawm ti

Aizawl June 9 : MNF Adviser leh Minister nibawk Lalruatkima chuan tun sorkar ding mek chuan hripui leh thil dang avangin hun harsa a tawng tam hle tih a sawi a. “Pu Zoramthanga sorkar, hun harsaa ram hruai tlaka Pathianin a ruat hi hun lawmawmah pawh Pathianin he ram hruai tur hian a hung chhuak leh ngei ang tih ka ring a. Kum 2023 inthlanah pawh hian Pathian leh mipui zarah MNF chuan sorkarna a chan leh ngei ka ring a ni,” a ti bawk.
Vawiin khan Mizo National Youth Front, Aizawl West II huaihawtin Executive Committee cum Political Training, ST Farm, Luangmual-ah neih a ni a. He hun hi Lalruatkima Minister, MNF Adviser ni bawk chuan a hmanpui.
Lalruatkima chuan “Social Media lamah te mi \henkhatin kan ram chhe ta lutuk anga an ziak fo mai hi zirtirna dik tawk lo a ni a. Kan ramah hian thil \ha tam tak a thleng mek a, a thleng zel bawk ang. Sorkar, Kohhran leh mipuite hi kawng hrang hrangah kan \ha em em a. Insiam \hatna tur thil thenkhat erawh chu kan nei tlang tih erawh zep thu a awm lo. A hnam ang te, a sorkar angtea chhe ta vek ang hiala insawi fo erawh hi chu a dik lo a ni,” a ti.
MNF Adivser chuan “Pu Zoramthanga hruai sorkar hnuaiah hripuiin min ti khaihlak deuh mahse, hmasawnna hnathawh hmuh tur a tam em em a. Kan kawngte pawh tunhma lakah chuan a lo tha ta hle a. Ration buhfai leh gas kan hnianghnar a, nitin mamawh kan hnianghnar a, ramri humhalh thuah te sorkar-in a thawk tha hle. He sorkar hian inthlan hmaa kan inzawrhna kan Manifesto kan tihlawhtling tam tawh em em bawk a ni,” a ti bawk.
Lalruatkima chuan, \halai kalkhawmte chu ram vei tura chahin, “Thalaite’n ram an vei loh chuan kan hnam hmalam hun a ngaihtuahawm viau ang. Chuvangin, ram leh hnam veina tak tak thinlung kan put a ngai a. Hnam chhan a, ram tana ding turin thalaite hi kan pawimawh a ni,” a ti bawk.