‘Ruihhlo Tel lo Nun Duhawm Zawk’ tih thupuia neitu Mizorama Naupang leh Thalaite Ruihhlo laka venhim hna thawktu pawl, Foundation For Drug in-Free Mizoram chuan vawiin khan Govt. Zuangtui Middle School ah Ruihhlo that loh zia inzirtirna hun an buatsaih.
He hun hi an pawl Senior Vice President Pi Remliani Chawngthu chuan a kaihruai a; Nl. Zirsangzeli chuan tanna hun a hmang a; resource person Nl. Gospel Lallawmzuali hnen atangin ruihhlo in taksa a tihchhiat theih dan leh ruihhlo chuan kan nih tur ang min nih tir thei lova; mihring chhe berah min chherchhuak ta thin a ni, tiin nun tihremtu ruihhlo laka fihlim turin zirlaite a sawm a. Ruihhlo laka fihlim turin zirlai 100 chuang an intiam. Pi R. Zomuanpuii, Executive Council Member pawhin zirlaite a fuih a. Pu C. Lalbiakmawia Headmaster in lawmthu a sawi. Foundation For Drug-Free Mizoram chuan school leh sunday school ah ruihhlo do campaign neih zel an tum a ni.
