Ni 20.6.2022 a Congress Ṭhalaiten Chief Minister hnena damlo te Health Care bill a bat sak, cheng vaibelchhe 71.218 chuang (₹ 71,21,84,104) zet chu july ni 20,2022 hmaa release tura Ultimatum thehluta a thlen chu, Chief Minister leh Finance Minister ni bawk Pu Zoramthanga chuan Cheng vaibelchhe li(₹,400,00,000) Mizoram State Health Care Society(MSHCS) hnenah release order a pe chhuak nghal a. Congress Ṭhalaite nawrna avanga sum pek chhuah a ni hi MPYCC chuan lawmawm a ti a, damlohna avanga Damdawi In awmte bill tang, a ṭhen azar pek chhuah a ni tur hi lawmawm a tiin, damlo leh an chhungte bill la turte a lawmpui takzet a ni.
Hetihlai hian cheng vaibelchhe 71.218 chuang damlote bill a bat sak aṭanga bill pekchhuah loh hi, cheng vaibelchhe 67 chuang a la awm a. Damlo sing tel tak meuh bill an la bat sak dawn a ni. Heng bill ba la pek loh mi harsa leh mangang tak tak hi, a ṭhente chu mi sum puk chawpa damlohna avanga leiba tamtakin a delh te anni.
Chuvang chuan july ni 20,2022 hmaa bill bat te pe vek turin Congress Ṭhalai chuan Mizoram Sawrkar a phut nawn leh a, damlohna avanga bill tang nghak mek te mamawh anga Sawrkar a chet leh chet loh a thlir zui reng dawn a ni.
