Vawiin 27th June 2022(Monday) hian BJP Mizoram Pradesh chuan karthar Pathian hnena inhlanna hun a nei a, Vanlalhmuaka State President-in thusawina hunhmangin, “NE ah NHIDCL kal tlanga kawngpui laih hna Central Sorkar chuan min thawh sak a, chu kawngpui laih hna chu Pu Nitin Gadkari, Union Minister for Road Transport & Highways chuan kawng ṭha in neih theih nan keimahni’n kan laih sak che u anga kan laih zawh hnu ah State chuan in enkawl dawn nia tiin a sawi a, National Highway hi State Sorkar-in kum 20 chuang an enkawl tawh a, nimahsela an enkawl hleitheilo tih hi a chiang hle a, chuvangin Central Sorkar chuan NE State-te, Mizoram mipui te’n Kawng ṭha kan neih an duh avangin, an mahni ngeiin ṭha taka min laihsak ta hi a lawmawm hle a ni.
“Chutih mek laia Mizoram a hmasawnna hna thawh mek kawngpui laih ah hian Mizoram Sorkar hian a thawhpui ṭha tawk lo hle tih hi a langa, tuna a lan dan chuan State Sorkar-a tu tu te’n emaw hlawkna beisei leh kawng in a paltlangna tur ah Ram in neih siak na ah kan tlan mek a, chu chuan kan Ram hmasawnna hi a dal nasa êm êm a, kan Ram hruaitute hian, ‘eng nge Ram leh mipui tan kan awm chhan?’ tih hi ka zawhna a ni a, mipui pawhin chu chu kan zawhna a ni,” a ti.
Vanlalhmuaka chuan, “Mizoram Health Care Scheme-a inziah luh nan mipui te’n sum Rs 500/- Rs 1000/- te tunah chuan Rs 2000/- te sen a ngai a, chuti chung chuan Bill a tang ṭeuh mai a, tin chung Health Care Scheme-ah chuan Mizoram Sorkar-in Cheng Vaibelchhe 76/- vel lai a bat sak a, mirethei leh harsa te’n kum 2 vel an nghak tawh a, chuta mipui harsatna sutkianna turin Pu Zoramthanga kaihhruai MNF Sorkar chuan Cheng Vaibelchhe 1000/- puk a tum thung a, a mak khawp mai, Cheng Vaibelchhe 76/- vel ba in cheng Vaibelchhe 1000/- han puk chu chhut thiam chuan chhut mai tur a ni. Chuvangin kan ram hian hmangaihtu tak tak a mamawh tawh avangin keini BJP te hian hrelo te hnenah Development chanchin hi kan hrilh zel a ngai a, Mizoram mipui te hian ngun takin ngaihtuahna seng ila, Mizoram hian eng Sorkar nge kan mamawh a, Development kan beisei hi tu te Sorkar kal tlangin nge kan hmuh theih ang tih hi chhut ṭheuh ang u”, a ti bawk.
