PM-in Chite lui chungchanga hmalakna fak

Prime Minister Narendra Modi-a chuan Pathianni khan ram mipuite hnena thuchah a sawi, Mann Ki Baat-ah Chite lui then thianghlima hman tangkai a ni chu a fak.
Prime Minister chuan Mann Ki Baat-ah hian Waste to Wealth kaltlangin hmalakna hlawhtling takte thlir thin ani, a ti a. Hemi hmalakna atana entirna pakhat chu Mizoram khawpui Aizawl hi a ni tiin, Aizawl ah hian lui mawi tak pakhat Chite lui a awm a. Hun rei tak atang tawh bawlhhlawh paih khawm anih avangin bawlhhlawh paihna hmun ang maia en ani hial niin, hun reilote kal ta atang khan he lui chhanchhuah hna hi thawh a ni a ti.
Mizoram Chite Lui ti thianghlim tura hmalakna atan hian a hmuna agency-te, Social worker-te leh mipuite chuan inlungrualin Save Chite Lui Action Plan an kalpui ta a, Lui thenfai hna bultanin Waste to Wealth creation (hnawmhnawk atanga hausakna siamchhuah) chu a takin an kalpui ta a ni, a ti.
Chite Lui ah hian plastic leh polythene a khat vek a, he lui thenfai hna thawk mek tu ten plastic rawn chhuakte hmangin Mizoram chhunga thingtlang khaw pakhatah a vawikhatna atan plastic road siamchhuah a ni a, Faina leh hmasawnna a kal kawp a ni, a ti.
Save Chite Lui Movement-a general secretary Rochamliana chuan Chite lui chungchang Prime Minister-in a sawi chu lawmawm a tih thu a sawi a. Prime Minister thusawi hian an hmalakna zel turah pawh nasa takin a fuih a ni, a ti.