Governor-in SCLCC hruaitute Raj Bhavan-ah a kawm

Governor Hari Babu Kambhampati chuan vawiin khan tun hnaia India Prime Minister Narendra Modi’an Maan Ki Baat-a a thusawi bawhzuiin, Save Chite Lui Coordination Committee (SCLCC) hruaitute Raj Bhavan-ah a kawm a, Chite Lui tana hmalakna kal mekte sawiho na hun neiin; Save Chite Lui Action Plan Phase-II hnuaia hmachhawp hrang hrangte sawiho a ni.
Governor Hari Babu Kambhampati chuan Chite Luia bawlhhlawh lut tam ber plastic atanga thilsiam (plastic wastes) tih tawp a hmalak a pawimawh thu sawiin, SCLCC hruaituten Chite Lui tifaia hma an lak tawhna hrang hrangte chu tha tiin, India sawrkarin a kalpui mek Swacch Bharat an zawm tha hle a ni, a ti a. Mipui-ah awareness campaign bakah lui dung-ah a theihna hmun apiangah thingphun tam tura hmalak ni se tiin thurawn a pe a, garbage net pawh a tul a nih chuan hmang turin leh hun bi nei a hnatlang koh ni se, sikul zirlaiah environment chungchang inzirtirna uar lehzualin kalpui ni se, tiin a sawi a ni.
He hunah hian Chite Luia bawlhhlawh lut zingah za zela sawmriat vel zet chu plastic atanga thilsiam hman hnu (plastic wastes) a nih thu leh vawi engemawzat tihfai a ni tawh anih thu ngaihthlak a ni a. Aizawl khawpui hnawmhnawk, he luia lut zinga langsar ber chu ‘plastic hman hnu’ an ni. Chungte chu chharkhawm ni fo thin mahse, a thehthang zuina tur leh thehthang zui dan turah a tifaitute pawhin vawi duai lo harsatna an lo tawh te tarlan a ni.
Sorkar laipuia Ministry of Environment, Forest & Climate Change dan siam Plastic Waste Management Rules 2016 chuan plastic atanga thilsiam hman hnute hi tawng pawng thehthang mai lovin tangkai zawka hmanna dap tura a tih angin Chite Luia plastic hnawmhnawk atanga PWD te nena tangkawpa siam; Reiek Plastic Road thlirhona powerpoint-ah neih a ni.