BJP khawmpuiah Mizoram State President Vanlalhmuaka’n thu a sawi

BJP Mizoram State BJP President Vanlalhmuaka chu BJP National Executive Meeting 2 &3 July, 2022 Hydrabad hmunah neihah telin, Mizoram a PM Schemes hrang hrang state Sorkar in a kalpui dan bakah MADC Election report pe in, BJP National President leh PM in a report pek hi an ngaihven hle a ni.
Telengana khawpui Hyderabad hmuna BJP National Executive Meeting ni hnih awh a neih a a telna ah, Vanlalhmuaka chuan PM Schemes/ National Schemes hrang hrang PMAY, PM Free Gas Connection, PM Healthcare Scheme, PM Kisan Nidhi etc.. Mizoram state sorkarin an kalpui dan report pe in, state rulling party in party hamthatna atana an hman thin thu leh a nih tur anga kalpui a nih loh dan te a sawi a. He tih rual hian Mizoram chhunga Ministry of Road Transport hnuaia NHIDCL hnathawh dan te, Railway hnathawh dan te leh PMGSY kalpui dan te pawh report a pe a ni.
National Executive Meeting a Mizoram BJP president in a thu tlen te chu Central BJP hruaitute hian an ngaipawimawh niin BJP thuchhuah chuan an tarlang a, Mara Autonomous District Council Election 5th May, 2022 a neih zawh tak chungchanga, MNF leh Congress an thawh dun dan te leh MNF leh Congress ten BJP an beihrawn dan leh, a hnua sorkar-na an siam dan te report a pek phei chuan sawi zui a hlawh hle bawk a ni.
BJP National Executive Meeting hi JP Nadda BJP National President in a kaihruai a, Prime Minister Narendra Modi chuan National Executive Meeting hi telpuiin thusawina hun anei a, Executive Meeting hi a tawp thlengin a telpui bawk a ni.