D r . L a l r i n k i mi (Vetinary Doctor) Sangau leh Vanlalhlimpuia Officer In
Charge Sangau Police Station te chuan nimin khan Pangkhua ah vawk 56 an suat.
Heng vawk tihhlum takte hi ASF (African Swine Fever) kai, symtoms neite niin Pangkhua leh a chhehvel ah Vawk hri a darh zel lohna tura invenna
atan heng vawk 56 hi an suat ta a ni.
Kar kalta a Pangkhua a vawk 16 thi tawhte chu Africa Swine Fever (ASF) avanga thi an ni tih vawiin khan confirm (nemngheh) an ni a, hetih lai hian Sangau
Ramhlun ah tunhnai ah vawk thi 5 a awm tawh bawk. Sangau Ramhlun a vawk thi te hi Rapid Test ah Positive mahse Laboratory test result erawh hriat a la ni lo thung.
Hetihian Pangkhua ah ASF avanga Vawk
thi 21 awm tawhin nimina Sangau Vety
Doctor leh Sangau OC te hmalakna a ASF kai natna lang chhuak tawh vawk suat 56 te nen Pangkhua ah hian Vawk
77 a thi tawh a, Sangau Ramhlun ah Vawk 5 an thi tawh bawk.
Sangau SDO (C) Samuel Zodinsanga
chuan Sangau leh a chhehvel ah hetianga
vawk hri a leng ni a rinhlehna a awm tan
tak avang in Dt.29.6.2022 atang tawh
khan Sangau leh a chhehvel khua Pangkhua, Thaltlang, Sentetfiang leh Cheural khua ah te Vawk talh khap in Vawksa leh Vawksa atanga thilsiam lakluh khapna a ti chhuak tawh bawk.
