Nimin October ni 12, 2021 khan Mizoram ah COVID-19 positive thar 1224 hmuhchhuah a ni.

ZMC RT-PCR Laboratory a sample test 1629 zingah Covid-19 positive 449 hmuh a ni a. TrueNAT Laboratory a sample test 550 zingah positive hmuh 116 a awm a. RAgT hmanga sample test 6482 zingah positive 642 hmuh a ni a. FIA (Fluorescent Immunoassay) hmanga sample test 60 zingah positive 17 hmuh a ni.
Tuna Mizoram Covid-19 dinhmun chu Positive hmuh tawh zat – 1,08,790, Dam tawh – 93,939, Enkawl mek – 14,484, Thi – 367, Recovery Rate – 86.34% a ni a. Nimin tlai dar 5:30 khan Pu Lalnunzira (42), Venglai, Hnahthial chu thawhah vangin an chenna inah a boral a. A thih hnuah hri a kai leh kai loh test niin, Covid-19 hri a kai tih finfiah a ni.
Nizan dar 6:45 khan Pu F. kalvaria (70), Hnahthial chu ZMC ah a boral a. Oct. ni 6 khan hri a kai tih hriat niin hemi ni vek hian admit a ni a, natna dang nei tel a ni. Nizan dar 7:30 khan Pu Sangliana (77), Bethlehem Veng chu ZMC ah a boral a. Sept. ni 11 khan hri a kai tih hriat niin, Sept. ni 20 khan admit a ni a, natna dang nei tel a ni. Nizan dar 7:30 khan Pi Joycee Laldinpuii (45), Mission Veng chu ZMC ah a boral a. Oct. ni 10 khan hri a kai tih hriat niin hemi ni vek hian admit a ni a, natna dang nei tel a ni.
Heti hian Mizoram a Covid-19 vanga nunna chan zat chu 367 an tling ta a ni.