President of India inthlanna hmanrua lo thleng

Tun thla ni 18 a India President thlanna neih tur atana inbuatsaihna chuan a vawrtawp a thleng chho mek a, Inthlana hman tur ballot box leh lehkha pawimawh dang te chu nimin khan Lengpui Airport ah lo thlengin inthlan buaipuitu Offcial hrang hrang ten anlo dawngsawng a ni.
India President 18 na inthlanna hmanrua te hi nimin tlai khan enfiah a nih hnu ah Assembly House Strong room ah venhimna khauhtak hnuaiah dah a ni. India President thlan turah hian rampumah voter mi 4,809 an awm dawn a, Mizoram MLA te vote neih hlutna hi 320 a ni. Vote thlakna hi Mizoram State Legislative Assembly ah neih tura ruahman niin, vote thlak turte leh inthlanna duty turte chu vote thlakna a an luh hmanin Covid test neihtir vek an ni dawn a, vote hi ballot paper hmanga thlak a ni ang.