Aizawl July 18 : National Health Mission hnuaia hnathawk intelkhawm National Health Mission Employees Union Mizoram member te chu, tiamchin awm lova a huho a chawlh la mekte chu ban an nih lohna chhan tur ziaka ni thum chhunga insawifiah turin NHM Mission Director Dr. Eric Zomawia chuan a hriattirna a ti chhuak.
National Health Mission Director chuan ni 16. July. 2022 khan thuchhuah (Show couse Notice) ti chhuak in, NHM Director thuchhuah tarlan danin, NHM hnathawk ten phalna neilo a ni thum chhung chawlh (Casual leave) an lak leh NEUM huaihawt tiamchin awm loa chawlh lak (Indefinite strike) thlawpa hna an la zawm lo chu Mizoram Essential Services Maintenance Act, 1990 (as amended) Section 4 & 6(1) bawh-chhiatna a nih thu leh NHM hnathawkte hna a lak an nih dawna an intiamna (Agreement deed) para 3(3) angin ban theih an nih thu tarlan a nih bakah kum khat thleng lungin tan theih na leh cheng Rs. 2000/- chawih theih a nih thu tarlan a ni.
Ni thum chhunga ban an nih lohna chhan ziaka thlen tur leh an hna an zawm tura hriat-tirna chu National Health Mission Director Dr. Erric Zomawia hnen ah thlen turin an ti bawk a ni.
NEUM ten sorkar an ngaichang
National Health Mission Employees Union Mizoram ten sorkara an thilphut chak taka hmalak a harsat an ring lo tih an thuchhuah siamah an tarlang.
National Health Mission hnuaia hnathawk intelkhawm National Health Mission Employees Union Mizoram tena Inrinni a thuchhuah an siam danin, NEUM member-te tana hamthatna tur Regularization te, MR bill theihna te, hna nghet lak a niha NHM te tana Reservation dah chungchang ah te ngaihtuah kan la nilo a. Tin, thla tin hlawh bat sak thin kan ni an ti bawk.
Thingtlang kilkhawr tak takah NHM Staff te hi hlawh tlem zawkin kan awm a. Chutiangin khawpui zawkah pawh, hlawh hrensak thin kan nih avangin harsatna tam tak kan tawk thin a. Naupang School fee bat a ngai a, loan la ten rinawm lo nih an hlawh a, in luah man bat angai a, thla tin sorkar bill hrang hrang pek a tul a. Heng zawng zawng avang hian lungawi harsa kan ti a ni.
Kan harsatna chungchangah hian sawrkar nena inbiakna Ni 12.7. 2022 Dar 6:30 p.m a Hon`ble Deputy Chief Minister Room ah kan Department hotute mai bakah Secretary, DP & AR te nen meeting neih a ni a. He Meeting a kan in biak dan hmangah chuan lungawi mai thei tawh tura kan inngaih laiin, a tuk ni 13.7.2022 a Meeting Minute lo chhuakah meeting laia kan hamthatna tur a kan sawi ang zawng zawng te minute ah a rawn lan leh tak si loh ah chuan kan rilru te a tihnat phahin, kan lungawilohna pawh a tih zual phah a ni. Hemi avangin hian kan mass CL nithum kan lak pawh tihtawp mai kan duh laiin, indefinite strike in kan chhunzawm phah ta hial a ni an ti.
Kum khat chhung atana contractual staff ni tura chhawr an nih chu dik an ti a, Health department hnuaia project rawn kal reng reng hi kum nga chhung atana ruahman zel, kum nga dang extend leh zel an ni hlawm. State sorkar hian kum nga a zawna rawih hi rem lova a hriat avangin kum khat te te in engagement hi a tichhuak thin tih thuchhuah an an tarlang bawk.Hemi a nih avang hian NHM hnuaiah hian kum 15-20 chuang lo thawk tawh mi engemawzat an awm a ni.
Covid period bikah phei chuan Supreme Court order dinglai angin Covid Pandemic kaihhnawih atana thawktute reng reng hlawh hi pe tlai lo tur leh a hun taka pe tura tih a ni a, heti chung hian hrileng hnuaia NEUM member, a hmatawnga thawk te hlawh hi vawi tam tak rei tak tak hren a ni zel zawk a, ngaihpawimawh an hlawh lo mai ni lovin ngaihthah an la ni hial zawk a ni.
Study group hian CSS hnuaia thawk department 16 lai a zir mek a. Heng department hrang hrang te hi hnathawh dan inang lo tak tak, kalphung in ang lo tak tak te kan ni hlawm a. Sorkar lamin thil a kal zung zung theilo ti a min hrilh siin, ni 2/3 lek chhungin Law & Judicial atangin DP&AR a thleng phei hman a, chuvangin Sorkar hian chak taka hma lak min tiam mai hi a harsat kan ring lo a ni.
Leave a Reply
-iOS Version