Bairabi atangin teak engmaw zat thawnchhuak

Bairabi atanga teak thawnchhuah tura approval awm tawh, la thawnchhuah loh te chu thawnchhuah a ni dawn a, hengte hi vawiin tlai khan forest minister TJ Lalnuntluanga’n tlawhin a enfiah a. Minister hian Transport department hnuaia Inland Water Ways siam tur a en nghal bawk.
Environment, Forest & Climate Change department changtu minister hian rel wagon kal dan tur leh a kal hun chungchangte enfiahin Forest department staff -ten teak verification an tihdan a enfiah nghal bawk. DFO Kolasib Margareth Lalramchhani, IFS chuan nikum lama approval awm tawh teak thawnchhuah tur wagon 159 chu thawnchhuah lohvin ala awm a, hengte hi department chuan verification ti thar leh tawhin vawiin a\ang hian thawnchhuah tan tur a ni a ti a. Wagon chhuak tur hi minister chuan a enfiah nghal a ni.
May thlaa ruahsur nasa in tuilian leh leiminin a siam vanga relkawng chhia te chu NEF Railway ten an siam\ha tawh a, July 15 zan khan rel pawhin Bairabi a thleng leh thei tawh a ni. Amaherawhchu, rel rawn thlen hian bungrua load-in a kir lehnghal thei lova, transporter lamin booking an tih fel hmasak a ngai \hin a ni.
Minister chuan, “Tunhnaia relkawng chhia avang hian northeast state hrang hrangah rel wagon booking hi an in chan lo nasa hle a, tuna rel rawn thlengah pawh wagon an chang lo. Vawiin hian wagon an chang thei chauh a, teak an load chhung hian Kolasib DFO staff te pawh an duty dawn a ni Supreme Court chuan Bairabi rel head-a teak awm te hi wagon 854 kal thei turin phalna a pe tawh a, teak tum anga chhuahtir tawh loh tur niin hemi-a kal bak zawng chu saw mill atangin zaisa vekin pekchhuah tawh tur a ni. Wagon thawnchhuah tur zingah 159 chu a kal hmasa tur a ni a, wagon 323 chu verify zawh ni tawhin DFO chuan thuneitu lamah a thlen tawh a ni a. A bang wagon 300 vel hi verification a kal leh mek a, kumin chhung chuan thawn zawh hman kan in beisei,” tiin a sawi.
Minister hian a chan Transport department hmalakna Tlawng lui-a inland water ways an tihna tur hmun tlawhin hmalak dan tur nimin khan a en nghal bawk a ni.“Minister hi Aizawl atangin Principal Chief Conservator of Forest Jitendra Kumar, IFS bakah Kolasib DFO leh staff ten an tawiawm a, Kawrthah lama riak leh tur niin Kawrthah DFO in Bairabi-ah a lo hmuak bawk a ni.