Sanghal pathum thia hmuhte ruang endik

Leisenzo ram khaw chhung atanga km 6 vel bawra hla, Ramlaiphul rama chin hriat loha Sanghal 3 thi hmuhte ruang chu vawiin khan A.H & Vety Department leh Forest Department hotuten a hmunah kalin an enfiah.
Report dawn bawhzuiin Champhai atangin Veterinary Officer Dr. Lalrinhlui leh Khawbung atangin Forest RO T.Laltlanhlua ten Sanghal thite hi a hmunah kalin an enfiah a, Department-a thawktute, VC leh khawtlang mi thenkhat ten an tawiawm bawk a ni.
Sanghal thite hi a pui 2 leh a note 1 niin, an thihna hi a rei deuh hlek tawh avangin sample duhthusam anga tha lak tur awm lo mahse, sample theih ang angte endik tura lak a ni a. Sanghal thite hi uluk taka phum nghal an ni.
July ni 1, 2022 khan Samthang ram chhung Zopui phul hnuai ram ngawa Nghalchang pakhat thi chu AH & Vety Deptt. leh Forest Department hotuten an lo enfiah tawh bawk a ni.
Thudawn danin Dr Lalrinhlui Champhai District Vetenary Hospital chuan Sanghal hi a chhiat tawh avangin sample duhthu sam a awm thei lova, Samthang bula thi pawh kha a result an la rawn thawn let rih lo a ti. A kaw chhung zai hawna a finfiah theihna awm pawh mumalin a hmuh theih tawh lo niin a sawi bawk.