Mizo Hmeichhe Insuihkhawm Pawl MHIP Gen. Hqrs hruaitu thlan April ni 17, 2019-a neih tura tih chu ‘thil fel tawk lo a awm’ tia Court-a zualko an awm vangin District Court chuan inthlanna kalpui rihlo turin a hriattir a. Hun engemaw chen hruaitu nei lova an awm hnuah Court lam phalna in naktuk hian Vanapa Hall-ah hruaitu thar thlanna hi an nei dawn a ni.
Thudawn danin hruaitu thlanna hi kil thum atanga inchuhin, mi sawm leh paruk (16) in hming an pelut (Nomination file) a. Vote nei thei turte hi Sub- Headquarters OB; Block OB; Jont MHIP OB ; Branch aiawh mi pahnih theuh, Administrator-in a ruat mi 45 leh Office Bearers hlui la dam te an ni ang.
MHIP te hian April ni 16, 2019 khan General Assembly vawi 22-na Vanapa Hall-ah an hmang a, ruahman lawk ang chuan a tuk April ni 17 kha hruaitu thar thlanna hun hman tur a ni. Amaherawhchu, MHIP hruaitu thlanna tur chungchangah hian member thenkhat ten ‘thil fel tawklo a awm’ tiin Aizawl District Court-ah zual koin lehkha an thehlut a, Aizawl District Court, Senior Civil Judge-III R.Malsawmdawngzuala chuan inthlanna hi kaltlangpui rihlo turin a hriattir a ni. Hetianga hruaitu an awm theih loh tak ah chuan Firm & Society hnuaia in ziaklut (registered) an nih angin sorkarin hruaitu an neih loh chhung hian an mahni enkawl tutur Administrator a ruat lailawk a, a ni hian hruaitu an neih mumal loh chhung chu MHIP pisa in enkawl na leh hmalakna hrang hrang te a enpui thin a, tuna Headquarters OB inthlang tur ah pawh hian Administrator ruahman angin thil tul zawng zawng a buaipui a, inthlanna buaipui tur hian Mizo Zirlai Pawl MZP General Headquarters chu ruat an ni bawk.
Khatih hun laia MHIP Inthlanna turah thil fel tawklo a awm tia zualko tute hian secret ballot te tih chinghpen a awm niin an sawi niin hriat a ni a. MHIP Gen. Hqrs. inthlanna buaipui tura sawm, Mizo Students Union (MSU) pawh MHIP lam hian inthlanna neihpui leh lo mai turin an hriattir a, an aiah MUP te an thlang a, an programme pawh an siam tha a ni.
MHIP Gen. Hqrs. hruaitu thlanna tura hming pe lutte chu ;
1. B.Sangkhumi – Chaltlang South
2. Chuaudingliani – Chanmari West
3. F.Lalramliani – Upper Republic
4. F.Lalrindiki – Republic Veng
5. K.Lalliantluangi – Chaltlang Lily Veng
6. Lalbiakengi – Mission Veng
7. Lalengkimi – ITI Veng
8. Lalliani – Khatla
9. Lalngaihawmi – Venghlui
10. Lalramnghaki – Chanmari
11. Lalthlamuani – Kanan Veng
12. Ngurmawii Sailo – Kanan Veng
13. R.Lalmalsawmi – Ramhlun North
14. Saipuii – Electrict Veng
15. T.Lalthangpuii – Tuikhuahtlang
16. Vanlaldiki – Bungkawn
