Mizo Hmeichhe Insuihkhawm Pawl MHIP Gen. Hqrs hruaitu thlanna leh General Assembly vawi 22-na Vanapa Hall-ah vawiin khan neih a ni.
MHIP General Hqrs hruaitu thlanna leh General Assembly vawi 22 na hi hun hnih ah then niin, chawhma inkhawm ah MHIP Gen.Hqrs kum 2019 leh 2021 inkar an hmalakna te, sum dinhmun te leh kum 2021 leh 2023 chhunga sum ruahman (Budget) tura ruahmanna te ngaihthlaka a sawiho a ni a, Rs.56,66,574/- chu pawm a ni a, heng bakah hian Mizo puan chi hrang hrang Mizoram G.I puan humhalh chungchanga hriattur pawimawh te sawifiahna hun Jt. Director Art & Culture Dept. Carol VLMS Dawngkima chuan a hmang bawk a ni.
MHIP General Hqrs hruaitu thlanna hi Mizo Zirlai Pawl MZP General Hqrs ten an neih pui a ni.
Kum 2022-2025 chhunga MHIP Gen. Hqrs. OB thlan tharte chu :
President – Ngurmawii Sawilo, Kanan Veng
Vice President – B.Sangkhumi, Chaltlang Lily Veng
Gen. Secretary – Lalliani, Khatla
Asst. Secretary – F.Lalramliani, Upper Republic
Treasurer – Chuaudingliani, Chanmari West
Fin. Secretary – K.Lalliantluangi,
Chaltlang Lily Veng
(Vice President-a thlantlin Pi B.Sangkhumi hi a zin dawn avangin thlalakah a lang hman ta lo a ni)
