Central YMA leh MSACS-in thawhhona thuthlung ziak

Mizoram State AIDS Control Society leh Central Young Mizo Association te chuan vawiin khan thawhhona thuthlung an ziak a. MSACS Project Director Dr. Lalthlengliani leh YMA president ten hming an ziak a ni.
Mizoramah a bik takin thalaite zingah HIV a darh nasa hle a, thingtlang leh khawpui bang chuang lovin, state chhunga district tinah HIV nasa takin a darh a. HIV hrik pai tam ber te chu sex atanga inkai niin a dawtah ruihhlo ti mite zingah inchiuna hriau leh syringe inhmantawm atanga inkaichhawngte an ni.
Data atanga a landanin HIV hi mipui nawlpuiah nasa takin a lut tawh a, hengah hian inngaizawngte inkarah sex hman atang te, nupa in rinawmloh sanna avang te, tunhma lama kawppui (ngaihzawng emaw nupui/pasal) hmasa atanga lo kai tawh ten a hnu a an kawppui te hnena an kai te an tam hle.
HIV hrik pai zinga a tam ber chu thalai kum 15 atanga kum 49 inkarte an ni a, hetiang zela kan rama \halaite zingah HIV a darh zel chuan kan khawtlang leh ramah heng nghawng thalo tak tak-1) hnam inthlahpung chak lo, 2) thalai hnathawk tur turte hrisel lo te 3) ram hmasawnna tur nasa taka tlahniam te 4) chhungkua, khawtlang leh ram ah retheihna nasa tak te 5) fahrah leh khawtlanga harsatna nasa tak te kan la hmachhawn dawn a ni.
Heng anih avang hian Mizoram chhunga HIV darh zel tur venna kawngah MSACS leh CYMA te \angkawp chuan nasa taka hmala ho turin thawhhona thuthlung an ziak ta a ni. He thawhhona kaltlang hian district ah leh thingtlang lam zawk ah te nasa taka hmalak tum a ni.