CIC-in ATI siam RTI Helpline tlangzarh

Chief Information Commissioner Lalnunmawia Chuaungo chuan vawiin khan Administrative Training Institute (ATI) siam RTI Helpline a tlangzarh.
RTI Helpline hi mi tupawhin RTI Dan (RTI act leh rules) hman chungchanga harsatna a neihte a thlenna tur a ni a, CIC in a tlangzarh tak te chu – Phone (toll Free) – 1800-8893-218
Whatsapp – 9863346173
Facebook – RTI Mizoram
Instagram – RTI Helpline, Mizoram
Twitter – RTI Helpline, Mizoram
Phone call leh Whataspp call hi office hun chhunga hman tur a ni ang a, a dang zawng hi chu engtik lai pawhin hman theih a ni ang.
Hen huna peport petu K. Lalkroschhuanga, RTI Nodal Officer tarlan danin Ministry of Personnel, Public Grievances and Pensions, Government of India atangin project pakhat Improving transparency and accountability in Government through effective implementation of RTI Act hnuaiah Rs 30.48 lakh dawn a ni a, kawng hrang hranga hmalakna tur zinga pakhat chu Helpline siam a ni a, he helpline viltu tur hi thawktu lak a ni tawh bawk.
Hmalakna tur hmachhawp zingah Media Workshop neih te, District hrang hranga training neih te, online certificate Course kalpui te, SPIO leh AAP tana training neih te a tel a ni.
Helpline tlangzarhnaah hian RTI chung chang lemchan inziahsiak, ATI in a buatsaih lawmman sem nghal a ni bawk a, A pumpuiah C. Lallianngura, MINECO chu pakhatna niin Rs. 10000/- a dawnga, pahnihna H. Hmingthankhuma, Bethlehem Vengthlang niin Rs. 7000/- a dawng a, pathumna Grace Lalrinpari Hauzel, Khatla in Rs 5000/- dawngin consolation prize dawng mi 3 an awm bawk.