ZPM Ṭhalai chuan thuchhuah siamin, “March 31, 2022 hma lama CSS sum pek tawhte a dawngtu tur department account-a thun vek tura central-in state sawrkârte a hriattir hnuah, CSS sum pek chhuah a nih dawn avânga sum lama harsatna tawk tur langsâr state kan ni bîk tur hi MNF sawrkâr hlawhchhamna ah kan ngai a; inthlan hmaa MNF hruaitute’n khurpui khawh lut zur zur, liam zur zur, phai thei lo an sawi-te kha chu sawrkârna an chan hnuah chuan mumang mai a ni tih a chiang hle.
“MNF sawrkâr chu laklawh thilah pawh revenue expenditure atân CSS sum hmang pûk tawh lo turin kan ngen a; CSS sum pek chhuah a nih avânga sum harsatna awm ngei tura Mizoram sawrkâr sum enkawl lama mithiamte’n an sawi hi lungchhiatthlâk kan tiin, MNF sawrkâr hnuaiah Mizoram chuan Switzerland of the East ni lovin Sri Lanka of the East kan hnaih tual tual ni berin a lang. Mizoram hian a ngaihna hria sawrkâr, kalphung thar sawrkâr a mamawhzia nitinin a lang chhuâk zel a ni,” an ti.
