Ni 2 awh State pum huapa Tleirawl te HIV/AIDS laka an invenna leh enkawl dan tur chungchang inrawnkhawmna MSACS leh UNICEF tangkawp ten an buatsaih chu vawiin July ni 29, 2022 (Zirtawpni) khan zawh a ni ta.
State Level Consultative Workshop on carrying out Gaps analysis on Adolescent HIV/AIDS issues in Mizoram, Directorate of Hospital & Medical Education (DHME) Conference Hall-a buatsaihah hian HIV/AIDS chungchang kaihhnawih sawrkar department hrang hrangte bakah NGO, khawtlang leh Kohhran thalai aiawhte sawm an nih angin an thawhho theihna kawng ngaihtuah ho a ni a.
He ni 2 awh inrawnkhawmnaah hian Pi Esther Lalruatkimi Principal Secretary, H&FW Department chu khuallian a ni a, Tleirawlte puala scheme emaw Project emaw programme Mizoram sawrkar hnuaia awmte chu tleirawlte hriselna leh hmasawnna atân thawkho tûrin Principal Secretary H&FW hian kalkhawmte chu a sâwm a ni. UNICEF Northeast viltute leh MSACS division hrang hrang hotu ten thusawina hun an hmang bawk.
