MSU Keitum Sub Hqrs chuab Pu RC Laldailova Keitum Health Worker thawklai Baurabi a sawn chu sorkar in a hnuklet lo a nih chuan a tawp thleng a dodal an tum

Keitum MSU thuchhuah tarlan danin, Pu R.C Laldailova hi ni 14th Dec 2007 khan Health & Family welfare Department, Mizoramin District hrang hrang Health worker tha a thlanah Serchhip district atanga Health worker thawk tha bera thlan a ni a. March ni 24, 2009 khan Best DOT Provider chawimawina a lo dawng tawh bawk. Serchhip district-ah Malaria lama thawk tha Best Performance Award kum
2020 khan a lo dawng tawh bawk tih an sawi a. Pu RC Laldailova hi BLO niin kum 2013 leh 2014 khan Hrangturzo Constituency-ah Best BLO atana thlan a lo ni tawh bawk a ni an ti a.
Hetiang taka mahni hnaa rinawm leh thawk tha Keitum khaw mi ngei an khua atanga transfer a ni chu pawi an tih thu leh an ngaithiam lo hle thu an sawi a. He transfer order hi cancel a nih theih nan a changtu Minister pawh an hmuh tawh thu leh hmalakna eng mah hriat a la nih loh thusawiin, Hetiang a lo nih tak avangin vawiin ni November ni 15, zing dar 8:45 khan Pu RC Laldailova’n joining report pe tura Bairabi pan a tum chukan remti lova, MSU Sub-Headquarters, Keitum bul tumin khawtlang mipuite leh NGO hruaitute nen an
dan a. A post ngaia dah leh tur hian Mizoram sawrkar kan phut tlat thu leh he an thil phut hi a
hlawhtlin hma chuan Keitum khawtlang mipuiten hma an lak zel tur thu an sawi bawk.