Mizo Zirlai Pawl (MZP), Gen. Hqrs. chuan Cooperation Department hnuaia Lalrinsanga, Additional Registrar of Cooperative Societies (RCS) pension tawh rawih nawn tha a tih loh zia lantir nan leh Pension rawih nawnna order sut phutin vawiin chawhma khan Registrar Cooperative Societies office kawtah a pisa kai tur dan a ni.
Lalrinsangsa, Addl. RCS (Rtd) Pension rawih nawn hian ni thum chawlh a lak avangin pisa kai tur dan hi chawhma dar 11 khan tihtawp lailawk a ni. Hemi chungchanga hmalak chhunzawm zel dan tur ngaihtuah hian chhun dar 12 khan MZP General Headquarters, Aizawl Emergency meeting neih nghal a ni a. Meeting ah hian MZP hruaitute leh Aizawl khawpui chhung College hrang hrang SU an tel.
Meeting chuan zirlaite leh thalai hna zawng mek te tana theihtawp chhuaha hma lak zui zel a rel a. MZP in vawi tam tak pension ruai nawn lo tura a ngenna ngai pawimawh lo a hmalatu Cooperation minister C. Lalrinsanga leh he department hnuaia rawih nawn mek Lalrinsanga, Addl. RCS (Rtd) te chu MZP chuan a dem takzet a. Meeting chuan August 4, 2022 ral hma ngeia pension rawih nawn a nihna thupek hi sut turin a phut a, Sut a nih loh chuan hetiang hian hmalak zel dan tur rel a ni;
1. August 5, 2022 (Zirtawpni) hian Registrar Cooperative Societies pisa kai tur dan leh a ni ang.
2. August 8, 2022 (Thawhtanni) hian Cooperation Department minister C. Lalrinsanga pisa kai tur dan a ni ang.
3. Zirlai, Thalai leh mipui tam thei ang ber nen kawng zawh a ni ang.